صج  حاب يرتاح من المشاعر السلبيه و المزعجة

في كل جلسه أطلع بمشاعر مختلفه ومريحه .صح في البدايه كنت احس اني مستحيل اقدر اتغير من خلال بس جلسة تنفس فكرتها انها بتمر مثل اي تجربه . بس الحمدالله اني قدرت اتحسن من خلالها وحسيت بتغيير في شخصيتي  وفي حياتي. اللحضه اللي تختفي فيها كل الأفكار المزعجة خلال الجلسه ما أقدر أوصفها. وشكرا لج عائشة  انج ساعدتيني أعبر عن مشاعري براحه تامه .

الصراحة شعوري حاليا حمدلله وايد احسن عن قبل الجلسة، كنت ف توتر وخفقان والحين اللهم بارك احس براحة وجي مستانسة وفيني طاقة ونظفت لتر بوكس قطوتي كامل مع اني كنت متعايزة انظفه من يومين 😂😂 وحسيت ان الحمدلله انه دلني على مساحة آمنة اقدر افضفض فيها واتكلم فيها ع راحتي عن مشاعري مع شخص واعي واكون انا نفس ما انا بدون إطلاق الأحكام.. ف وايد شكرا انج فتحتي حقي الجلسة اليوم والله يبارك ف علمج وينفع بج يارب ويجزيج الجزاء الأوفى ❤️❤️❤️

الجلسة أمس كانت شرات السحر ٫ رقدت بخير وعافيه ونشيت بكل خير. مافي مشاعر سلبية وحتى يوم رجعت البيت ما جت في بالي هالمشاعر ولله الحمد. جزاج الله خير على كل دقيقة وربي يوفقج واستمري.

الغالية حبيت أشكرج على الجلسة الرائعة اللي فعلا كنت محتاجتنها مع اني دوم اقول آنا قويه وما أحتاج حد أتكلم معاه ٫ اتضح لي العكس٫ وطلعت لي كل الأشياء اللي كنت مأثره على حياتي وكنت أخفيها وفعلا طلعت من عندج جدا مرتاحة . الله يجزيج خير. طاقة إيجابية مش طبيعية اللهم لك الحمد.

أنا أشهد إنج غيرتيني للأفضل٫ وعقلي صار أكثر ثقافه وعلم وهذا كنا نتقابل أقل من ساعة…يزاج ربي كل خير.

أنا كنت في دوامه من المعاناة ٫ والحمدلله ساعدت نفسي وتحررت من الطاقة السلبية وصرت أحب نفسي. الحمدلله حياتي تغيرت. وأنا أحس بشعور الناس اللي تغيرت حياتهم للأفضل وكيف انهم صارو يشوفون الحياة بنظرة إيجابية. هذي من نعم الله على الإنسان يوم يدله على الطريق اللي يتعلم فيه يحيا صح. الله خلقنا عشان نرتاح مب عشان نتعذب والدنيا حلوه إذا تعلمنا نتخلص من التعقيدات والأفكار المزعجة.

أعتبر إن أهم شي في حياتي تعلمته معاج هو الوعي وإني اسمع الصوت اللي في داخلي٫ ومع كل انفعالاتي أركز وأحاور نفسي وأسأل هي يسوا؟
الحمدلله ٫ الحمدلله…. الوعي هذا يمكن ما يكون أعلى مراحل الوعي٫ لكن فقط ان ألاحظ صوتي الداخلي ٫ كم هالشي هدأ بالي.

أعتبر إن أهم شي في حياتي تعلمته معاج هو الوعي وإني اسمع الصوت اللي في داخلي٫ ومع كل انفعالاتي أركز وأحاور نفسي وأسأل هي يسوا؟
الحمدلله ٫ الحمدلله…. الوعي هذا يمكن ما يكون أعلى مراحل الوعي٫ لكن فقط ان ألاحظ صوتي الداخلي ٫ .